أنشودة غريب الحب قمة في الروعة رائعة رائعة
(بدون إيقاع أو مؤثرات)
كلمات الأنشودة
غريب الحب بابن ادم تحس انه ليوم الدين
ولكن تكشفه الدنيا بلحظه ينسى خلانه
غريب الحقد بابن ادم يعادي ومو مهم يلين
عدوه برحمة المولى يصير اقرب من اخوانه
غريبه طعنة الغفله بسبايب طعنها غالين
صديقك سبب جروحك يداوي الجرح عدوانه
غريبه قصة البسمه تزيل همومنا كل حين
تقول ان الحزن مهما كبر لابد نسيانه
غريبه يادموع العين فرحنا نحزن تهلين
ولا اشوفك في جوف الليل وخشية ربي عنوانه
غريبه قلوبنا حيه على الدنيا وننسى الدين
نتاجر فيها بانفسنا وندري النفس خسرانه
غريبه نعترف انا بشر مع ربنا مقصرين
واذا انعم علينا بشي تمادينا بعصيانه
غريبه اننا نسهى وننسى اننا ميتين
وبعد الموت ماندري بجنه او بنيرانه
بشر نمشي وراء الدنيا لكن لي متى ولوين
نبيها بكل ما فيها ولكن من على شانه
نظن ان الغنى فيها ولا فكرنا وش بعدين
وش اللي راح ننطق به اذا حاسبنا ميزانه
وش اللي نستره بكره وننكر اننا مسوين
نقول الدنيا غرتنا وعشنا بلذه حيرانه
من اللي مالك الدنيا من اللي امهن العاصين
من اللي بكلمته يقدر يزيل الشر واعوانه
ياربي لطفك وعفوك ياربي جينا لك راجين
ياربي ارأف بعبدك تجاوز زلة ازمانه
ولتحميل الأنشودة
هناك تعليقان (2):
ذائقه رائعه بروعتك
كلماتها جدا اعجبتني
موفقه والى الامام
دمت بخبر وسعاده،،
الرائع اشراقتكـ التي تضي مدونتي
ووجودكـ الذي يشرفني
دمتِ في قلوب أحبابكـ
إرسال تعليق