مشيت بدربهـم واخطيت .. وصـــــــرت بعالم مرفوض
معاهم ماقدرت اختـــــــار .. وكان الامـــــر لي مفروض
حسبت إن السعاده بهـم .. حسبت الكل لي أصحاب
ولـكـن هـذي الدنـيـــــا .. تذلك صحبة الأغـــــــراب
نسوني بعد مـا كـانـوا .. لي أكثر واقرب الأقـــــراب
تخلـــوا بعدما انا طحـت .. بسهم الغدر لما صـاب
عصيت وما سمعت اللي .. نصحني ويومها صديت
على حالي أنا ندمـان .. وقول ياليتنـي ياليـت
ياليت إن الزمان يعـــود .. ولا اقــرب ابـد منهـم
ودور صــحبة الأخيــــــار .. طريق مبتعـد عنهـم
خذوني بالحكي اغتريت .. في دنيــا زايفـه تخـدع
حســـافـه ليتهـا بتـفيـد .. ياكيف الوقت لـي يرجع
طــــريـق زينـه الإيمــــان .. ونــاس تعينك وتنــصـح
على درب النبي العدنان .. بتمشي وعنه ماتنـزاح
ليست هناك تعليقات:
إرسال تعليق